-5o
Улаанбаатар хот
mobile menu

2019 оны эхний 6 сарын байдлаар 9485 хүн эрүүлжүүлэгджээ

2019-08-08 16:09:00

Чингэлтэй дүүргийн прокурорын газраас Нийслэлийн Цагдаагийн газрын харьяа Эрүүлжүүлэх, саатуулах төвийн үйл ажиллагааг гэнэтийн байдлаар шалгалаа. Шалгалтыг тус дүүргийн прокурорын газрын ерөнхий прокурор Д.Булганцэцэг ахлан хийсэн юм.

Эрүүлжүүлэх, саатуулах төв нь нийслэл хотод байгаа бусад байрнуудаас хамгийн их ачаалалттай ажиллаж байгаа газар бөгөөд төвийн ахуй нөхцөл болон саатуулах, эрүүлжүүлэх үйл ажиллагаанд баримтлах холбогдох журам зааврын хэрэгжилтийн байдлыг газар дээр нь үзэж шалгажээ.

2018 оны эхний хагас жилийн байдлаар 6953 хүн эрүүлжүүлэгдсэн бол 2019 оны эхний 6 сарын байдлаар 9485 хүн эрүүлжүүлэгдэж өмнөх оноос 40,7 хувиар өсчээ. Тус төвийн барилгын зарим хэсэгт цууралт үүссэн, ашиглах боломжгүй байгаа талаар Мэргэжлийн хяналтын байгууллагаас удаа дараа дүгнэлт гарсан боловч одоо хүртэл ажиллаж байгаад зохих анхаарал тавьж ажиллах шаардлагатай байгааг шалгалтын явцад анхаарууллаа.

Дүүргийн прокурорын газрын ерөнхий прокурор Д.Булганцэцэг шалгалтаар илэрсэн зөрчлийг арилгуулах, цаашид анхаарах асуудлуудын талаар тодорхой үүрэг чиглэл өгсөн байна.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
h
arhinii vildweree bagasgaad ajiliin bairaa ihesgeech
2019/07/30 59.153.85.66
  • Recent
  • Most Read
  • Most Comment