-9o
Улаанбаатар хот
mobile menu

Анхаар: Дөрвөн настай хүүхэд цонхоор унах гэж байсныг аварчээ

2019-08-08 10:58:54

Бага насны хүүхдээ гэрт нь орхин явснаас цонхоороо унах гэж байсныг онцгойгийн алба хаагчид аварсан байна.

Дорноговь аймгийн Замын-Үүд сумын 1 дүгээр багийн дугаар байрны 3 давхрын цонхны тавцан дээрээс бага насны хүүхэд унах гэж байна гэсэн дуудлага өчигдөр 11:50 цагт сумын онцгой байдлын хэлтэст иржээ.

Тус аймгийн Онцгой байдлын газрын Замын-Үүд сум дахь Онцгой байдлын хэлтсийн Гал түймэр унтраах, аврах 17 дугаар ангийн 5 алба хаагч, 1 автомашинтай 3 км замыг туулан 11:55 цагт очиж дөрвөн настай, эрэгтэй Э-г цонхны тавцан дээрээ хөлөө унжуулан сууж байсныг сунадаг шат ашиглан эсэн мэнд буулгаж, ар гэрийнхэн болон цагдаагийн байгууллагад хүлээлгэн өгсөн байна.

Хүүг эцэг, эх нь гэрт цоожлоод явсан байжээ.

Иймд иргэд та бүхнийг ахуйн ослоос урьдчилан сэргийлж  бага насны хүүхдэд тавих хараа хяналтыг сайжруулах, харгалзах хүнгүйгээр гэрт нь цоожилж үлдээхгүй байж, хүүхдэд тавих хараа хяналтаа сайжруулахыг онцгойлон анхаарууллаа.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment