Хяргас нууранд амарч явсан иргэн усанд осолджээ. Тодруулбал, Увс аймгийн Малчин сумын Баянхайрхан багийн “Хяргас” нуур гэдэг газар 13 хүн амарч явснаас тус аймгийн Зүүнговь сумын Зэл багийн харьяат иргэн Ж /80 настай, эмэгтэй/ 8 дугаар сарны 7-ны өдрийн 04:00 цагийн орчим хоноглож байсан майхнаасаа гарч яваад сураггүй алга болсон. “Хяргас” нуурын усанд осолдсон байж болзошгүй тухай дуудлага аймгийн Онцгой байдлын газарт иржээ. “Хяргас” нуурын эргийн хамгаалалтанд үүрэг гүйцэтгэж байсан тус аймгийн Онцгой байдлын газрын Эрэн хайх, аврах бүлгийн 3 алба хаагч, 1 автомашин, 1 завь, Цагдаагийн газрын 2 алба хаагч, 1 автомашин, нийт 5 алба хаагч, 2 автомашин, 1 завьтай ажиллаж, мөн өдрийн 09:22 цагт “Хяргас” нуурын зүүн урд эргийн усан дотроос /нуурын эргээс 2 метрийн зайд 1 метрийн гүнээс/ цогцсыг олж, Цагдаагийн байгууллагад шилжүүлэн өгсөн байна.
Хяргас нууранд амарч явсан иргэн усанд осолджээ
2019-08-08 12:17:06