"Цэцээ гүн"-ий оргил өөд явган аялал хийж явсан БНСУ-ын иргэн төөрч сураггүй алга болсон тухай өмнө нь мэдээлсэн. Түүнийг эсэн мэнд олсон тухай Онцгой байдлын ерөнхий газраас мэдээллээ.
Тодруулбал Төв аймгийн Сэргэлэн сумын Эрдэнэ-Уул багийн “Манзуширын-Ам” гэдэг газар /сумын төвөөс хойд зүгт 21 км-т/ “Билгүүн туул” ХХК-ийн зохион байгуулсан Богд-Хан ууланд “Цэцээ гүн”-ний оргил өөд явган аялал хийж явсан БНСУ-ын иргэн Л /61 настай, эмэгтэй/ 08.11-ний өдрийн 17:00 цагийн орчим сураггүй болсон тухай дуудлага 2019.08.11-ний өдрийн 17:05 цагт Онцгой байдлын албанд ирж, дуудлагын дагуу эрэн сурвалжилж олжээ.
