АТГ-ын Мөрдөн шалгах хэлтсээс энэ сард гэмт хэргийн шинжтэй 57 гомдол, мэдээлэл хянан үзжээ. Үүнээс 22 гомдолд хэрэг бүртгэлтийн хэрэг нээх, 15 гомдол, мэдээлэлд хэрэг бүртгэлтийн хэрэг нээхээс татгалзах саналтай, 1 гомдол, мэдээлэлд харьяаллын дагуу шилжүүлэх саналтайгаар прокурорт шилжүүлжээ. Ингэснээр одоо 19 гомдол, мэдээллийн үлдэгдэлтэй, шийдвэрлэлт 33.4 хувьтай байгаа аж. Энэхүү Мөрдөн шалгах хэлтсээс шалгасан 57 гомдлын 38 буюу 66.7 хувийг Улаанбаатар, 19 буюу 33.3 хувийг орон нутгийн харьяаллын гомдол эзэлжээ.
Тэгвэл хэрэг бүртгэлт, мөрдөн байцаалтын 474 хэрэгт мөрдөн шалгах ажиллагаа явуулсан байна. Үүний 11 буюу шалгасан хэргийн 2.3 хувийг шүүхэд шилжүүлэх саналтайгаар прокурорт, 22 буюу шалгасан хэргийн 4.6 хувийг хэрэг бүртгэлтийн хэрэг хаах саналтайгаар прокурорт, 2 буюу шалгасан хэргийн 0.4 хувийг харьяаллын дагуу шилжүүлжээ.