Онцгой байдлын албаны аврагчид амиа хорлох гэж байсан иргэнийг тайвшруулан өндрөөс буулгаж, амь насыг нь аварчээ. Тодруулбал Нийслэлийн Хан-Уул дүүргийн 3 дугаар хороо, 32 дугаар байр 12 давхар барилгын 11 дүгээр давхарын орцны цонхны тавцан дээрээс хүн үсрэх гэж байна гэсэн дуудлага 2019.09.04-ний өдрийн 03:23 цагт Онцгой байдлын албанд иржээ. Дуудлага мэдээллийн дагуу Нийслэлийн Аврах ангийн 7 алба хаагч, 2 автомашинтай 2 км замыг туулан 03:32 цагт очиж, тус байрны оршин суугч иргэн А /31 настай, эрэгтэй, согтуу/ орцны цонхны тавцан дээр амиа хорлох зорилготой зогсож байсныг ярилцлага хийж эсэн мэнд буулгаж, цагдаагийн байгууллагад шилжүүлэн өгсөн байна.
.jpg?1751336683043)
.jpg?1751336552317)
