Монголбанк-нд “Дэлхийн хуримтлалын өдөр” аяны нээлт болж байна. Энэ үеэр "FARO” сургалтын төвийн захирал, “Call-Рrо" компанийг үүсгэн байгуулагч, комедиан Б.Идэр-Од хэрхэн санхүүгийн эрх чөлөөнд хүрэх талаар зөвлөсөн юм. Түүний туршлагаас уншигч та бүхэнд мэдээлэл хүргэх үүднээс “ОНЦЛОХ ИШЛЭЛ” бэлтгэн хүргэж байна.
- Би санхүүгийн мэргэжилтэн бол биш, АНУ-д нисэхийн инженер мэргэжил эзэмшсэн.
- Сүүлийн таван жилд Call-Pro (мэдээлэл технологи, харилцаа холбооны компани), FARO (англи хэлний сургалтын төв) гэсэн хоёр гарааны бизнесийг эхлүүлсэн.
- Санхүүгийн хувьд тогтмол өсөлттэй явж байна.
- Багадаа ойр дотнынхноосоо сонсдог байсан санхүүгийн хамгийн чухал зөвлөгөө бол “мөнгө хадгалах” байлаа.
- 100 цаас ч хамаагүй хамаагүй хадгаламждаа хий. Нэг л өдөр хэрэг болно гэдэг байв.
- Бидний үед мөнгө хадгалдаг хүн ховор, манай найзууд дунд ганц хоёрхон айл байсан.
- МИАТ компанид инженерээр гурван жил ажилласан. Үнэнийг хэлэхэд энэ үед надад хадгаламж байгаагүй. Харин одоо би хадгаламжтай.
- Хамгийн анх би найзтайгаа жижиг хувийн онгоцонд хажууд талынхаа суудлыг хүнд түрээслээд мөнгө олох байсан юм. Энэ бизнесийг эхлүүлэхэд хуримтлуулсан мөнгө байгаагүй.
- Манай хамгийн сайн найз нөхцөлгүйгээр хуримтлуулсан мөнгөнийхөө талыг буюу 6000 ам.долларыг шууд өгч байсан.
- Хамгийн анх надаас хөрөнгө оруулагч “Чи энэ бизнест өөрийнхөө хэдэн төгрөгийг оруулсан бэ” гэж асуусан. Энэ асуултад хариулахад хүндрэлтэй байсан.
- Бизнес эхлүүлэх гэж байгаа хүмүүст өөрийнхөө мөнгийг хадгалж байгаад шавхаж оруул гэж зөвлөмөөр байна. Ингэсэн тохиолдолд тэд чамд итгэнэ.
- Би зарим ажилтнаасаа бага цалин авдаг.
- Машингүй байлаа гээд хүн муухай харагддаггүй шүү. Хэдэн жил тэвчээд түрээсийн байранд амьдрах хэрэгтэй.
- Өөрийнхөө мөнгийг хөрөнгө оруулалт хийхдээ ашиглаарай.