“Монголын Үндэсний фронт"-ын зохион байгуулж байгаа “Эх орон дуудаж байна" жагсаал 2019 оны арван нэгдүгээр сарын 08-нд Сүхбаатарын талбайд болсон. Жагсагчид УИХ өөрөө тарах ёстой гэсэн байр суурийг илэрхийлж байсан юм.Тэгвэл эл жагсаалыг удирдаж байсан "Монголын Үндэсний фронт" хөдөлгөөний тэргүүн, хошууч генерал Б.Баярмагнай өнөөдөр өөрийн фэйсбүүк хуудсаар ажлаа өгч байгаагаа мэдэгдлээ.
Тэрбээр "Миний бие ар гэрийн шалтгаанаар "Монголын Үндэсний фронт"-ын ажлаас удаан хугацаагаар хөндийрч байгааг үүгээр мэдэгдье. МҮФ-ыг Монголын төр, ард иргэд хүлээн зөвшөөрөгдөх хүртэл хэмжээнд цуг явсан фронтын нөхөддөө баярлалаа" хэмээжээ.