УИХ 2020 оны төсөв болон нийгмийн даатгалын сангийн тухай хуулийг баталсан. Энэ хүрээнд ирэх жилээс буюу 2020 оны нэгдүгээр сарын 01-нээс нийгмийн даатгалын шимтгэлийг 2 хувиар нэмэгдүүлэх болсон. Энэ талаар Ерөнхийлөгчийн тамгын газрын дарга З.Энхболд мэдээлэл өгөхдөө "Дөрвөн давхар дээлтэй сайдын асуудалд хориг тавих тухай яригдаж байгаа. Гэхдээ хоригийг хүлээж авах хэмжээний УИХ-ын гишүүдийн бүрэлдэхүүн байгаа эсэхийг давхар судалж байгаа. Үндсэн хуулиа бараг 100 хувийн саналаар баталсан, мөн давхар дээлтэй дөрвөн сайддаа аль аль нам нь дуртай байгаа юм шиг байна. Хэрвээ хориг хүлээж авах хэмжээнд хүрэхгүй бол хориг тавихгүй. Бусад Үндсэн хуулийн өөрчлөлттэй санал нийлж байгаа. Нийгмийн даатгалын шимтгэлийн 2020 оны 1 дүгээр сарын 1-нээс нэмэгдэх 2 хувь дээр хориг тавихаар бэлтгэж байгаа" гэсэн мэдээллийг өгсөн. Тус мэдээллийн дараа Сангийн сайд Ч.Хүрэлбаатар "2017 онд батлагдчихсан хэрэгжээд хоёр жил 7 сар болчихсон хуулинд хориг тавьж болдоггүйгээ мэдэж байгаа болов уу. Тэгээд хоригоо цэцэд тайлбарлаж чадах болов уу" хэмээн твиттер хуудастаа бичжээ.
Ч.Хүрэлбаатар: Хоёр жилийн өмнө батлагдсан хуулинд хориг тавьж болдоггүйг мэддэггүй юм уу
2019-11-18 12:51:26