СЗХ-ны дарга С.Даваасүрэн нь Санхүүгийн зохицуулах хорооны эрх зүйн байдлын тухай хуулийн 13.1 дүгээр зүйлийн 3 дахь хэсэгт заасны дагуу өөрийн хүсэлтээр үүрэгт ажлаасаа чөлөөлөгдөх өргөдөл гаргаж УИХ-ын даргад өргөн барьсан. Тиймээс дээрх асуудлыг хэлэлцэн шийдвэрлэж өгөхийг УИХ-ын дарга Г.Занданшатар өнгөрсөн долоо хоногийн хуралдаанд танилцуулсан юм. Тэгвэл өнөөдөр УИХ-ын чуулганы нэгдсэн хуралдаанаар санал хураалт явуулж, гишүүдийн олонх нь дэмжсэнээр түүнийг үүрэгт ажлаас нь чөлөөлөх тухай УИХ-ын тогтоол батлагдав. Мөн үүний дараа Монголбанкны ерөнхийлөгч Н.Баяртсайханыг огцруулах асуудлыг хэлэлцэж олонхийн саналаар түүнийг үүрэгт ажлаас нь чөлөөлөх тухай УИХ-ын тогтоол батлагдав.
СЗХ-ны дарга С.Даваасүрэн, Монголбанкны ерөнхийлөгч Н.Баяртсайхан нарыг үүрэгт ажлаас нь чөлөөллөө
2019-11-21 17:07:43