Сэлэнгэ аймгийн Алтанбулаг боомтоор хууль бусаар ангийн болон байлдааны зориулалттай их хэмжээний сум, галт хэрэгсэл оруулж ирэхийг завдсан дөрвөн хүнийг ЭЦА-ны Эдийн засгийн гэмт хэрэгтэй тэмцэх газрын ажилтнууд үйлдэл дээр нь баривчилжээ.
Тодруулбал, тэднийг 12 дугаар сарын 28-нд баривчилсан бөгөөд сэжигтнүүд хилээр хууль бусаар бараагаа оруулан, нийслэлд борлуулдаг сүлжээтэй юм байна.
Эдгээр иргэд тусгай зөвшөөрөлгүй улсын хилээр нэвтрүүлж, улмаар Улаанбаатарт авчран зарим зах, худалдааны төвд борлуулдаг байсан бололтой.
