-1o
Улаанбаатар хот
mobile menu

Тагнуулын ерөнхий газар мэдэгдэл гаргажээ

2020-02-14 12:00:00

Дэлхий дахинд дэгдээд байгаа шинэ коронавирустэй холбоотой баталгаагүй, хуурамч мэдээллийг иргэд цахим хаягаараа дамжуулан, олон нийтэд мэдээлэх тохиолдлууд гарч буй. Хамгийн сүүлд Чингэлтэй дүүргийн иргэн Г цахим хаягаараа дамжуулан хуурамч мэдээлэл цацсаныг цагдаагийнхан тогтоож, хуулийн хариуцлага хүлээлгэхээр болоод буй. Зөрчлийн тухай хуульд зааснаар хуурамч мэдээлэл тараавал иргэнийг хоёр сая, хуулийн этгээдийг 20 сая төгрөгөөр торгодог.

Тэгвэл дээрх асуудалтай холбоотойгоор Тагнуулын ерөнхий газраас мэдэгдэл гаргажээ. Мэдэгдэлд "Олон нийтийн цахим сүлжээнд “COVID-19” буюу “Шинэ Коронавирус”-тай холбоотой баттай эх сурвалжгүй мэдээ, мэдээллийг санаатай болон санамсаргүй байдлаар тарааж, олон нийтэд буруу ойлголт төрүүлэх, өргөн хэрэглээний барааны хомсдол үүсгэх, хуурмаг үнийн өсөлтийг бий болгох зэрэг сөрөг нөхцөл байдлыг үүсгэж байна.

Иргэн, хуулийн этгээдийн энэ үйлдэлд хуулиар олгосон чиг үүргийн дагуу Тагнуулын ерөнхий газар болон Цагдаагийн ерөнхий газрын хамтарсан шийдвэрээр хяналт тавьж эхэлсэн бөгөөд цаашид олон нийтийн мэдээллийн хэрэгсэл, цахим сүлжээнд үндэслэлгүй мэдээлэл тарааж буй иргэн, хуулийн этгээдэд холбогдох хуульд заасан хариуцлага хүлээлгэх болно.

Иймд ИРГЭН та цахим орчинд хариуцлагатай хэрэглэгч байж үндэслэлгүй мэдээллийн талаар цаг алдалгүй мэдээлж, хамтран ажиллана уу.

Жич: Хуурамч мэдээлэлд дараах “hashtag” ашигласнаар бид нарийвчлан нягтлах боломжтой.

  • #Тагнуулын_ерөнхий_газар
  • #Цагдаагийн_Ерөнхий_Газрын_Хэвлэл_Мэдээллийн_Төв" гэжээ.
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment