Монголын улаан загалмайн нийгэмлэгийн Хүүхэд залуучуудын хөдөлгөөн дэлхийн 150 гаруй оронд тархаад байгаа Коронавирусийн эсрэг нэгдэж, нийслэлийн Баянзүрх дүүргийн 8, 9, 17, 23-р хорооны зорилтот бүлгийн айл өрхүүдэд тусламж үзүүллээ.
Хүүхэд залуучуудын хөдөлгөөнийхөн гэрийн эргэлт хийж, хүнсний багц, гар ариутгагч санитол, амны хаалт зэрэг хүмүүнлэгийн тусламжийг хүргэсэн байна.
Зорилтод бүлгийн айл өрхүүдээр явж гэрийн эргэлт хийх хүмүүнлэгийн үйл ажиллагааг Хүүхэд залуучуудын хөдөлгөөний тэргүүн Э.Ууганбаяр, Монгол Улсын Филармоний гоцлол дуучин Наагий буюу Н.Наранбаатар, “Х-Түц” продакшны жүжигчин Т.Бархүү нар дэмжин ажиллажээ.
