“Зөв амьдрах ухаан” ТББ-ын тэргүүн Г.Загдаад хүчиндүүлсэн гэх иргэн Д.Халиун хэвлэлийн хурал хийлээ. Тэрбээр "Миний хувьд “Зөв амьдрах ухаан”-д амьдарч байгаад гарсан.Тэнд охинтойгоо хоёр жил хамт амьдарсан. Одоо миний хүүхэд "Зөв амьдрах ухаан" ТББ-д байгаа. Би өөрийнхөө хүүхэдтэй хамт амьдармаар байна. Г.Загдаа намайг хүчиндсэн. Гурван өдөр дараалж хүчиндсэн. Мөн хоёр нийгмийн ажилтан нь намайг бас хүчирхийлсэн. Хэрэв нийтэд зарласан тохиолдолд хүүхдийг чинь яаж ч мэднэ шүү гэдэг байсан. Тэнд асар их нууц бий. Сандал дээр хүлж байгаад зоддог. Тус төвд байгаа хүмүүсийг хүүхдээр нь барьцаалж заналхийлдэг. “Зөв амьдрах ухаан” төвд Баярцэцэг гэдэг эгч байсан. Тэр эгчийг Загдаа ах дандаа хүчиндэж, зоддог. Бүр сүүлдээ зугтаахын тулд өөрийгөө хутгалсан шүү дээ. Тэгж байж эмнэлэгт хэвтэж зугтаасан" гэсэн мэдээллийг өглөө.
Д.Халиун: Г.Загдаа намайг гурван өдөр дараалж хүчиндсэн
2020-04-09 14:40:02