УИХ-ын гишүүн Л.Цог, Г.Уянга нар өнөөдөр сэтгүүлчдэд мэдээлэл хийж, “Шударга ёс” эвслийн бүлгээс гарна гэдгээ албан ёсоор мэдэгдсэн билээ. Урьд нь тэдэнтэй УИХ-ын гишүүн О.Баасанхүү нэгдэж байсан бөгөөд энэ удаад нэр бүхий хоёр гишүүн эвслийн бүлгээ орхихоор болсноо хэвлэлээр дамжуулан олон нийтэд дуулгасан юм. Тэд албан бичигтээ "Миний бие Монгол Улсын Их Хурал дахь МАХН-МҮАН-ын "Шударга ёс" эвслийн бүлгээс гарч байгаагаа үүгээр уламжилж байна гэжээ. Ийнхүү "Шударга ёс" эвсэлээс Л.Цог, Г.Уянга нар гарсанаар бүлэг 8 гишүүнтэй болж байна. УИХ-ын гишүүн Л.Цогын тухайд “Шударга ёс” эвслийн бүлгийг төлөөлөн УИХ-ын дэд даргаар ажилладаг. Түүнийг ийнхүү бүлгээс гарч байгаатай зэрэгцээд дараагийн УИХ-ын даргын суудалд горилогчдын нэрс тодорчээ. Өөрөөр хэлбэл Л.Цогийн оронд УИХ-ын дэд даргад О.Баасанхүү яригдаж эхэлсэн байна.
УИХ-ын дэд даргад О.Баасанхүү яригдаж эхэллээ
2016-03-21 16:52:00