УИХ-ын гишүүн Х.Баттулгын туслахаар ажиллаж байсан Г.Түвшинжаргалыг энэ сарын 16-ны өдөр Цагдаагийн ерөнхий газрын Эдийн засгийн гэмт хэрэгтэй тэмцэх тасгийн ажилчид баривчилсан. Мөн өнгөрсөн баасан гаригт шүүх хурал болж Г.Түвшинжаргалыг үргэлжүүлэн 14 хоног хорихоор болсон. Тэрбээр ой гарантай хүүхэдтэй бөгөөд хүүхэд нь өвчтэй, эмнэлэгт асаргаа шаардлагатай байгааг өмгөөлөгч нь хэлж байв. Тиймээс өнөөдөр УИХ-ын гишүүн Г.Уянга "Ой 4 сартай хүүхэдтэй ээжийг хорьжээ. Хэргийн нь учрыг би мэдэхгүй юм, ямар ч байсан хөхнөөсөө гараагүй хүүхдийг хоолгүй, ээжгүй болгож байгаа нь хэтэрхий хүнлэг энэрэнгүй биш байна. Намайг ч бас төрөөд 7 хонож байхад цагдаа нар хаалга эвдэн гэрт дайран орж ирж барьж хорихоор завдаж байсан харгис үеийг санаж чимээгүй байж зүрхлэхгүй нь. Яг одоо аав нь хүүхдээ хөхүүлэхээр ганц худаг дээр байгаа сурагтай. Яг одоо хорих руу гарлаа" хэмээн үзэл бодлоо илэрхийлсэн. Тэгвэл Г.Уянга гишүүн Хууль зүйн сайд Д.Дорлигжавтай туслах Г.Түвшинжаргалын асуудлаар утсаар ярьжээ.
Г.Уянга гишүүн Хууль зүйн сайд Д.Дорлигжавтай туслах Г.Түвшинжаргалын асуудлаар ингэж ярьлаа
2016-03-21 17:39:00
