Мэргэжлийн хяналтын ерөнхий газрын дэмжлэгээр Баян-Өлгий аймгийн нутаг дэвсгэрт орших Цагааннуурын хилийн шалган нэвтрүүлэх боомтод термокамер суурилуулжээ. Орчин үеийн дэвшилтэт технологиор бүтээсэн уг төхөөрөмж нь шалган нэвтрүүлэх байранд орж ирсэн биетийг автоматаар илрүүлж, халууныг нь хэмждэг байна. Хэрвээ биеийн халуун заасан хэмжээнээс давсан тохиолдолд дохио өгдөг аж. Термокамертай болсноор сэжигтэй тохиолдлыг илрүүлэх, урьдчилан сэргийлэх ажил түргэн шуурхай, илүү үр дүнтэй болох боломж бүрдэж байгаа аж.
