Дэлхий нийтэд үүсээд буй цар тахалтай холбоотойгоор Улсын онцгой комисс өнгөрсөн дөрөвдүгээр сарын 28-ны өдөр хуралдаж, энэ сарын 31-ний өдрийг дуустал хөл хориог хэсэгчлэн тогтоосон. Тус шийдвэр ирэх долоо хоногт дуусах тул тавдугаар сарын 25-ны өдөр 11:00 цагт Улсын онцгой комисс дахин хуралдаж хязгаарлалтуудыг сунгах эсэх асуудлыг хэлэлцэн шийдвэрлэх юм.
Хуралд Монгол Улсын Ерөнхий сайд У.Хүрэлсүх оролцож, үүрэг даалгавар өгнө гэдгийг Засгийн газрын Хэвлэл мэдээлэлтэй харилцах хэлтсээс мэдээллээ.
