Өнгөрсөн амралтын өдөр буюу зургадугаар сарын 28-ны 13.00 цагийн үед Сонгинохайрхан дүүргийн VIII хорооны нутагт хоёр хүүхэд амбаарын нурангид дарагдаж нэг нь амиа алдсан золгүй осол гарчээ.
Эх сурвалжуудын мэдээлснээр тус хорооны Баянцагааны гудамжинд оршин суудаг айлын хоёр болон зургаан настай охид нь хашаандаа тоглож байгаад нүүрсний амбаарынхаа блокт дарагдсан байна. Суурь цутгаж бариагүйгээс хөрс нь үерийн усанд урсан харамсалтай осол гарсан аж. Ослын улмаас эгч нь амиа алдаж, хоёр настай охин ГССҮТ-д хэвтэн эмчлүүлж байна. Иймд эцэг эхчүүдийг үр хүүхдэдээ тавих хараа хяналтаа сайжруулж, орчны аюулгүй байдлаа сайтар хангахыг цагдаагийн байгууллагаас санууллаа.