8o
Улаанбаатар хот
mobile menu

"БОРШОО” БООМТЫГ ОЛОН УЛСЫН ЖИШИГТ НИЙЦҮҮЛЭН өргөтгөн шинэчлэх ажил эхэллээ

2020-07-03 09:26:54

МУ-ын Засгийн газраас хэрэгжүүлж буй “Гаалийн шинэчлэл”-ийн хүрээнд Азийн хөгжлийн банкны 27.2 тэрбум төгрөгийн нэн хөнгөлөлттэй зээлийн санхүүжилтээр Увс аймаг дахь “Боршоо” боомтыг олон улсын жишигт нийцүүлэн өргөтгөн шинэчлэх, хүчин чадлыг нэмэгдүүлэх төслийн бүтээн байгуулалтын шавыг 2020.06.25-ний өдөр албан ёсоор тавилаа.

“Боршоо” боомтыг шинэчлэх ажлын хүрээнд зорчигч тээврийн 3200 м.кв бүхий шинэ цогцолбор, дулаан, цэвэр усны инженерийн дэд бүтэц, ногоон байгууламж, хилийн хяналтын байгууллагуудын ажилчдын орон сууц барихаас гадна боомтыг орчин үеийн теле хяналтын систем бүхий ухаалаг гарц, рентген, тоног төхөөрөмжөөр хангана. Шинэчлэлийн үр дүнд өдөрт нэвтрэх зорчигчийн тоо 5 дахин, ачааны автомашины тоо 3 дахин, суудлын тээврийн хэрэгслийн тоо 7 дахин нэмэгдэж хүчин чадал нь сайжирч төрийн албан хаагчид, иргэдийн ажиллаж амьдрах эрүүл, аюулгүй, таатай орчинг бүрдэх болно. Энэ шинэчлэл нь Монгол Улсын гадаад худалдаа, эдийн засгийн эргэлтийг нэмэгдүүлэх, Увс аймгийг аялал жуулчлалын бүс болгон хөгжүүлэхэд томоохон үүрэг гүйцэтгэх чухал ажил болох юм.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл