Улсын Онцгой комиссын Шуурхай штабаас цаг үеийн холбогдолтой мэдээлэл, авч хэрэгжүүлж байгаа арга хэмжээний талаар хэрэглэгчдэд хүргэх, мөн иргэдээс ирүүлсэн санал, гомдол, бусад мэдээллийг хүлээн авах зорилгоор 2020 оны 3 дугаар сарын 10-аас эхлэн 18001105, 318277, 263554 тусгай дугаарын утсыг 24 цагаар ажиллуулж байгаа юм.
Тус дугаарыг ажиллуулж эхэлснээс хойш 7 дугаар сарын 27-ны өдрийн байдлаар нийт 64,016 дуудлага ирж, холбогдох мэдээллийг хүлээн авсан байна.
Мөн иргэдээс ирүүлсэн 3150 гаруй гомдол мэдээллийг хүлээн авч шийдвэрлэсэн тухай Улсын онцгой комиссын Шуурхай штабаас мэдээллээ.
