Хөвсгөл аймгийн Хатгал тосгоны эдэлбэр газар буюу усан замын зогсоолын баруун урд байрлах "Далай ээж-2" зочид буудал нь бохир усаа насосоор татан урсгаж Хөвсгөл нуурыг бохирдуулж байсан нь Хөвсгөлийн Улсын тусгай хамгаалалттай газрын хамгаалалтын захиргааны эргүүл, хяналтаар энэ сарын 25-ны өдөр илэрчээ.
Уг зөрчилд зохих арга хэмжээг авч үйл ажиллагааг нь зогсоосон байна. Мөн холбогдох хуулийн байгууллагад зөрчлийг шилжүүлэхээр ажиллаж байгаа аж.
Цаашид хяналт шалгалтыг үргэлжлүүлж хууль бус үйл ажиллагаатай тэмцэнэ гэдгийг Хөвсгөлийн Улсын тусгай хамгаалалттай газрын хамгаалалтын захиргаанаас мэдэгджээ.
