Есдүгээр сарын 2-нд АНУ-аас 254 иргэн эх орондоо ирнэ

 Улсын Онцгой комиссын шийдвэрийн дагуу наймдугаар сард нийт 17 удаагийн нислэг үйлдэж, гадаадад байгаа иргэдээ татан авахаар төлөвлөсөн билээ. 

Энэ дагуу АНУ-Улаанбаатар чиглэлийн тусгай үүргийн онгоц өчигдөр буюу наймдугаар сарын 30-ны 23:52 цагт Улаанбаатараас хөөрсөн юм. 

Тусгай үүргийн онгоц ирэх есдүгээр сарын 2-ны 14:10 цагт “Буянт-Ухаа” олон улсын нисэх буудалд газардах хуваарьтай байна.  

Мөн тус онгоцоор 254 хүн иргэн эх орондоо ирэх аж. Тодруулбал, 

• Бага насны хүүхэдтэй гэр бүл-40,
• Өндөр настан-54,
• Жирэмсэн-6,
• Эрүүл мэндийн шалтгаантай-74,
• Бусад шалтгаантай-80 иргэн багтжээ.

 Иргэдийг “Ивээлэн”, “Энхсаран” сувилал, “Тулгат” амралтын газар, “White house” буудалд тусгаарлана гэж УОК-ын Шуурхай штабаас мэдээллээ.