"Туяарах" салон эмэгтэйчүүдийн хувцас солих өрөөндөө камер суурилуулсан талаар мэдээлэл цацагдсан билээ. Тэгвэл уг мэдээлэлтэй холбогдуулан ШӨХТГ-аас "Туяарах" салонд ажиллаж, хяналт шалгалт хийжээ.
Хяналт шалгалтын үр дүнд "Туяарах" салон хэрэглэгч иргэдээсээ уучлал хүсэх, камер суурилуулсан компанийг дуудаж камераа авах, хуулийн дагуу хариуцлагаа бүрэн хүлээхээ мэдэгджээ.
ШӨХТГ-аас эхний удаа сануулах арга хэмжээ авсан байна. Дараагийн удаа дахин ийм зөрчил гаргавал хуулийн шаталсан арга хэмжээг авахаа мэдэгджээ.
