10,000-аас дээш хүн амтай сум, суурин газрын цахилгааны шөнийн тарифыг 100% хөнгөлөх шийдвэр гаргалаа

Засгийн газрын ээлжит хуралдаан өнөөдөр болж, дараах шийдвэрийг гаргажээ.

• Аймгийн төв, 10 мянгаас дээш хүн амтай сум, суурин газрын хэрэглэгчдийн орой, шөнийн цагт хэрэглэсэн цахилгааны тарифт үзүүлж байгаа 50 хувийн хөнгөлөлтийг 100 хувь болгов.
• Азийн авто замын АН-4 чиглэлийн Өлгий хотыг тойрон гарах нийт 18.82 км авто зам, 201 метр төмөр бетон гүүрийн барилгын ажилд шаардагдах түгээмэл тархацтай ашигт малтмал хайх, ашиглах талбайн солбицлыг хавсралтаар баталлаа гэж Засгийн газрын хэвлэл мэдээлэлтэй харилцах хэлтсээс мэдээллээ.