Цагдаагийн ерөнхий газарт хуурамч мэдээлэлтэй тэмцэх дагнасан нэгж байгуулагджээ. Энэ нэгж нь сошиал орчинд түгээгдэж буй Үндэсний аюулгүй байдалд сөргөөр нөлөөлж болзошгүй хуурамч мэдээлэл тараах, бусдыг гүтгэх, доромжлох, гэмт хэргийн шинжтэй мэдээллийг шалгах, таслан зогсоох, урьдчилан сэргийлэх чиглэлээр үйл ажиллагаа явуулна гэж Цагдаагийн ерөнхий газрын Хэвлэл мэдээллийн төвийн дарга, цагдаагийн дэд хурандаа Б.Баатархүү мэдэгджээ.
Сүүлийн жилүүдэд иргэдийн сошиал хэрэглээ идэвхжиж түүнийг дагасан гэмт хэрэг ихээр гарах болсон билээ.
