Уур амьсгалын өөрчлөлтийн гол тодрхойлогч болох Арктикийн далайн мөс хайлалтын улирал дууссны дараа жилийн хамгийн доод хэмжээнд хүрчээ.
Энэ нь 2012 онд ажиглагдсан хамгийн бага түвшний дараагийн хоёр дахь хамгийн бага хэмжээ болж байгаа аж. АНУ-ын Цас, Мөсний Мэдээллийн Үндэсний Төв (NSIDC) 9-р сарын 15-нд далайн мөсний хэмжээ 3.74 сая хавтгай дөрвөлжин км болсныг мэдэгдэв. Бусад сансрын агентлагууд ч энэ жил далайн мөсний хэмжээ хамгийн бага хоёр дахь түвшинд хүрсэн гэж хүлээн зөвшөөрч байгаа юм. Сүүлийн 14 жил буюу 2007-2020 онуудад далайн мөс 14 удаа хамгийн бага түвшинд хүрснийг 42 жилийн турш хийж байгаа хиймэл дагуулын мэдээлэл харуулж байна. Агаарын болон усны хэт өндөр температур мөсний дээрээс доороос зэрэг нөлөөлснөөр хайлалтын хэмжээ ихэсч байгаа аж.
