8o
Улаанбаатар хот
mobile menu

УИХ-ын гишүүн А.Адъяасүрэнд холбогдох хэргийг шалгаж байна

2020-10-08 09:08:02

УИХ-ын гишүүн А.Адьяасүрэн авлига өгсөн гэх хэргийн мөрдөн байцаалтын ажиллагаа үргэлжлэн явагдаж байна гэж Нийслэлийн прокурорын газрын ерөнхий прокурорын орлогч прокурор Ц.Насанбат хэллээ. Хэргийг мөрдөн шалгаж байгаа учир дэлгэрэнгүй мэдээлэл өгөх боломжгүй гэсэн байр суурийг прокурорын газраас өгөв.

АН-аас Баянхонгор аймгаас нэр дэвшин УИХ-д сонгогдсон А.Адьяасүрэн гишүүн нүүрс тээврийн С зөвшөөрөл авахын тулд Авто тээврийн газрын нэр бүхий албан тушаалтанд 100 мянган ам.доллар буюу 285 сая төгрөгийн авлига өгсөн мэдээлэл УИХ-ын сонгуулийн өмнө цацагдаж, энэ хэрэгтэй холбогдуулан түүнийг яллагдагчаар татна гэж ч яригдаж байсан.

Парламентад сонгогдохоосоо өмнө Ерөнхийлөгчийн албан бус зөвлөх хийж байсан А.Адьяасүрэн гишүүний хэргийг төрийн тэргүүн “царцаасан” гэх мэдээлэл сүүлийн үед тархаад буй.

Ямартай ч УИХ-ын тухай хуульд гишүүн гэмт хэрэг үйлдсэн болох нь шүүхийн хүчин төгөлдөр шийтгэх тогтоолоор тогтоогдсон бол түүний бүрэн эрх хугацаанаас нь өмнө дуусгавар болно гэж заажээ.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
Тэнэг юм бэ?
Өгсөн авсан нь тогтоогчихоод байхад юун төрийн тэргүүн дундуур нь ороод ирэв. Энэ ажиллагаатай холбоотой байж магадгүй юм биш үү тэр тэргүүн чинь.
2020/10/08 66.181.191.14
  • Recent
  • Most Read
  • Most Comment