АСЕМ-ын чуулганы үеэр их, дээд сургуулийн шилдэг гэсэн 1200-1500 оюутныг сайн дурын ажилд оролцуулах юм байна. Оюутнуудын хувьд зочдыг угтах, үдэх, баримт материал тараах, сэтгүүлчдэд туслах, хэрэгтэй үед хэлмэрчлэх, шаардлагатай үед ачаа бараа зөөлцөх, замын хөдөлгөөн зохицуулах зэрэг ажилд туслах юм.
Энэ талаар Ерөнхийлөгчийн тамгын газар, АСЕМ-ын ажлын хэсгийнхэн их, дээд сургуулийн удирдлагуудын уулзалтын үеэр танилцуулж, хамтран ажиллах хүсэлт тавьжээ. АСЕМ-ийн чуулганы хүрээнд ирэх дөрөвдүгээр сараас эхлээд долдугаар сарын 16-y хүртэл 10 гаруй том арга хэмжээ болно. Эдгээрт 4000 гаруй зочид, төлөөлөгчид, 800-1000 орчим сэтгүүлчид ирнэ. Тиймээс АСЕМ гэх томоохон хариуцлагатай ажилд бүх салбарынхныг оролцуулаад зогсохгүй оюутнуудыг ч хамруулах шаардлагатай байгаа талаар дурдсан байна.
