Коронавирусын халдвартай гэдгээ мэдсэн Сэлэнгэ аймгийн 49 настай иргэн Б нь түүнийг ХӨСҮТ-рүү тээвэрлэх ажлыг зохион байгуулах үеэр зугтжээ.
Тэрбээр, зах дээр тэрэг түрдэг ба хамаатан болох иргэн Н-ийд амьдардаг бөгөөд Н, түүний охид коронавирусын халдвараар өвчилсөн болох нь тогтоогджээ.
Одоогийн байдлаар иргэн Б зугтах явцдаа ямар нэгэн иргэдтэй таарсан, уулзсан эсэхийг тандалтын багийнхан тодруулж байгаа аж. Б нь үг дуу цөөтэй нэгэн учир асуултад тодорхой хариулахгүй албаныханы ажлыг удаашруулж байгаа гэх мэдээлэл байна.
