Архангай аймаг нэг гэр бүлийн гурван хүнд коронавирусийн халдвар илэрсэн. Халдвартай иргэдийн ойрын хавьтал гурван хүн Ихтамир суманд, Өгийнуурт 2, Батцэнгэлд 69, нийт 74 иргэн тусгаарлах байранд байна.
Хоёрдогч хавьтлаар Ихтамирт 233, Өгийнуурт 104, Батцэнгэлд 518, нийт 855 иргэн гэрийн тусгаарлалтад байна. Үүнээс гадна хот хоорондын зорчих хөдөлгөөнтэй холбоотойгоор аймгийн хэмжээнд гэрийн тусгаарлалтад 1228 иргэн байгаа бөгөөд тусгаарлагдаж буй иргэдэд тандалт судалгааг үргэлжлүүлэн хийж байна хэмээн Архангай аймгийн ЗДТГ-аас мэдээлээ.
