Самар түүнэ гэж гэрээсээ гараад амиа алдсан хэрэг гарлаа

Сэлэнгэ аймагт самар түүнэ гэж гэрээсээ гараад амиа алдсан хэрэг гарчээ.Тодруулбал, өчигдөр буюу арванхоёрдугаар сарын 21-ний өдөр Сэлэнгэ аймгийн Ерөө сумын Нэвшээ гэх газар нэг иргэн амь насаа алдсан байдалтай олджээ. Түүний цогцсыг Ерөө сумын Нэвшээ гэх газраас олсон бөгөөд талийгаач суурь өвчтэй байсан байна.

Одоогийн байдлаар тус хэргийг Мандал сум дахь сум дундын цагдаагийн хэлтэст шалгаж байгаа ба талийгаачийн үхлийн шалтгааныг тодруулахаар ажиллаж байна.