ХӨСҮТ-ийн Тандалт судлалын албаны дарга А.Амбасэлмаа "2020 оны арванхоёрдугаар сарын 27-ны өдөр ХӨСҮТ-ийн вирус судлалын 3 лаборатори, ЗӨСҮТ-ийн вирус судлалын лаборатори, автолабораториуд, Дархан-Уул, Сэлэнгэ аймгийн салбар лабораториудад нийт 8894 хүнд хийгдсэн шинжилгээнээс 16 тохиолдол нэмж бүртгэгдлээ.
Илэрсэн 16 тохиолдол Улаанбаатарт хотод бүртгэгдсэн байна.10 тохиолдол нь Баянзүрх дүүргийн голомтоос нэмэгдсэн. Баянзүрх дүүргийн голомтоос илэрсэн нийт тохиолдол 194 боллоо. Үүнээс эрүүл мэндийн ажилтан 19 байна. Их эмч 6, сувилагч 8, үйлчлэгч 3, эм зүйч 1, жолооч 1 байна. Зургаан тохиолдол нь Цэргийн төв эмнэлгийн сувилагч, ариутгагч нараас илэрлээ" гэв.