"МИАТ" ТӨХК-ийн Сөүл-Улаанбаатар чиглэлийн ачаа тээврийн нислэгээр /2021.01.06/ иргэдийг татан авсан талаар мэдээлэл цацагдсан. Сөүл-Улаанбаатар чиглэлийн уг нислэгээр ирсэн Монгол Улсын таван иргэний хоёр нь УИХ-ын гишүүн Ш.Раднаасэд болон түүний гэргий гэдгийг өмнө нь мэдээлсэн. Тус иргэдийг "Кемпински" зочид буудалд тусгаарласан талаар мэдээлэл цацагдаад байгаа юм.
Үүнд Гадаад харилцааны яамны Консулын газрын захирал Л.Мөнхтүшиг тайлбар хийлээ.
Энэ нислэгээр АНУ-ын Элчин сайдын яамны 30, НҮБ-ын гурав, мөн Монгол Улсын таван иргэн ирсэн. Эдгээр иргэн нь:
1. Улаанбаатар хотоос Сөүл рүү арванхоёрдугаар сарын 25-ны өдөр ниссэн. Гэвч тодорхой зөрчлийн улмаас тухайн улс хилээрээ нэвтрүүлээгүй. Улмаар БНСУ-руу нэвтрэх эрхгүй, нутаг буцах боломжгүй онгоцны буудал дээр 10 гаруй хоног гацсан иргэн
2.БНСУ-аас АНУ-руу зорчихоор төлөвлөж байсан ч нэвтэрч чадалгүй Инчеон нисэх буудал дээр гацсан. Эдгээр хоёр иргэнийг Олон улсын иргэний агаарын тээврийн "тээвэрлэж ирсэн компаниар буцаах ёстой" гэдэг журмын дагуу АНУ-ын Элчин сайдын яаманд албан ёсоор хүсэлт тавиад татан авсан.
3. Ажлын зайлшгүй шаардлагаар хүнд өвчтэй хүнийг БНСУ-руу хүргэж өгөхөөр явсан эмч буцан ирсэн
4. Өөр хоёр хүний асуудал яригдаад байгаа. Үүнийг тодотгоод хэлэхэд ар гэр нь эрүүл мэндийн маш хүнд байдалтай байгаа хүний сахиураар явсан хүмүүс. Тэгэхээр ачаа тээврийн онгоцоор биш АНУ-ын Элчин сайдын яамны захиалгат нислэгээр өөрийн Улсын таван хүнээ зөөвөрлөн авчирсан гэдгийг ойлгохыг хүсье" гэлээ.
