СХД-ээс нэр дэвшин ялалт байгуулж, УИХ-ын гишүүнээр сонгогдсон Д.Сумъяабазар өөрийн хүсэлтээр гишүүний бүрэн эрхээсээ татгалзаж, Хотын дарга болсон. Үүнтэй холбогдуулан СХД-ийн 28 дугаар тойрогт нөхөн сонгуулийн санал авах өдрийг ирэх зургадугаар сарын 9-ний өдөр буюу Ерөнхийлөгчийн сонгуультай хамтатган авахаар тогтсон.
Гэвч хоёр өөр хуулиар зохицуулагддаг сонгуулиудыг нэг өдөр зохион байгуулах нь хүндрэлтэй гэж СЕХ-ноос үзжээ. Уг саналаа УИХ-д хүргүүлсэнээр саналыг өнөөдөр ТББХ-ны хурлаар хэлэлцжээ.
Улмаар 28 дугаар тойргийн нөхөн сонгуулийн санал авах өдрийг 2021 оны аравдугаар сарын 10-ны өдөр товлосон байна.
Байнгын хорооны боловсруулсан тогтоолын төслийг УИХ-аар хэлэлцэн эцэслэн батлана.