Иргэн Б.Сүндэръяа өнгөрсөн өдрүүдэд “Sunee's Ballet”, “Butenbayar Sunderya” фэйсбүүк хуудсандаа нэгэн ноцтой мэдээлэл ил болгоод байгаа юм. Тус мэдээлэлд нэгэн УИХ-ын гишүүн хүн түүний биед халдсан, улмаар урт хугацаанд дарамтад байлгасан тухай дурдагдсан. Тэрбээр "...Сүү шиг цагаан юм ярьж дарга нарт хэдэн төгрөг атгуулаад Монголын ард түмнийг шулж доромжилж баяждаг Монголын цэцэг шиг сайхан охидуудыг бузарлаж хүчирхийлж садист хүслээ хангадаг тэр байтугай насанд хүрээгүй онгон охидоор зугаацдаг бүр тогтцон ханштай энэ хүнээс 75 гишүүн та нарч гэсэн болгоомжил. Энэ хүн бол хүн биш шүү!..." хэмээн эрх мэдэл, хөрөнгө мөнгөөрөө далайлган охид бүсгүйчүүдийг дарамталдаг хүн УИХ-д суудаг. Өөрөө ч тэр хүний шахалт дарамтад яваагаа бичсэн байв. Харамсалтай нь хэн гэдэг УИХ-ын гишүүн хүн түүнд дарамт үзүүлж байсныг нэрлээгүйюм. Тус хүний нэр дурдагдаагүй энэхүү постын араас УИХ-ын гишүүн Ц.Анандбазар яаран сандран мэдэгдэл гаргав.
Тэрээр "Харамсалтай нь хэн гэдэг УИХ-ын гишүүн хүн түүнд дарамт үзүүлж байсныг нэрлээгүй учир нийгэмд УИХ-ын гишүүн Ц.Анандбазар намайг холбогдуулан нэрлэж, бичиж эхэлжээ.
Ард түмний өмнө хууль ёсыг сахин биелүүлнэ гэж тангараг өргөсөн УИХ-ын гишүүний хувьд Ц.Анандбазар миний бие “Сүнээ” гэх нэрээр нийгмийн цахим сүлжээнд танигдсан Б.Сүндэръяаг танихгүй, уулзаж байгаагүй, тухайн мэдээлэлд дурдагдсан шиг үйлдлийг огт хийгээгүй гэдгээ хариуцлагатайгаар мэдэгдье.
Б.Сүндэръяагийн нийгэмд тараасан мэдээлэл нь зөвхөн УИХ-ын гишүүн хэн нэгэн гэхээсээ илүү Монгол Улсын хууль тогтоох дээд байгууллага УИХ-ын нэр хүндтэй холбоотой асуудал яригдаж байгаа учраас уг асуудлын үнэн мөнийг хуулийн байгууллагуудаар нэн яаралтай шалгуулах нь зүйтэй гэсэн байр суурьтай байна.Иймд хуулийн байгууллагад хандаж, шалгуулах арга хэмжээг авах болно" хэмээн яаран сандран мэдэгдэл хийв. Түүнд яаран ийм мэдэгдэл хийх ямар шалтгаан байв. Иргэн Сүнээг дарамталсан УИХ-ын гишүүний нэр тун удахгүй тодрох биз ээ.