8o
Улаанбаатар хот
mobile menu

Туулын эрэг дагуух тохижилтын ажлын зургийг дахин гаргахаар болжээ

2021-04-20 12:53:48

Туул голын эргийн дагуух тохижилтын ажлын зураг төсөл нь стандарт, норм дүрэмд нийцэхгүй, алдаа дутагдал их байгаа нь бүтээн байгуулалтын явцад хүндрэл учруулах эрсдэлтэй байгаа тул ажлын зургийг дахин боловсруулахаар болжээ. 

Нийслэлийн Засаг даргын 2021 оны 04 дүгээр сарын 06-ны өдрийн А/259 дүгээр захирамжаар батлагдсан зураг төсөвтэй БЗД-ийн 11 дүгээр хороо, АСЕМ вилла хотхоны баруун хойд талд Туул голын эргийн дагуух тохижилтын ажлыг хийж гүйцэтгэхээр болсон.

Уг ажилтай холбогдуулан Улаанбаатар хотын Ерөнхий менежер тохижилтын ажил хийгдэх талбай болон батлагдсан зураг төсөвтэй танилцаж газар дээр нь ажиллажээ.

Боловсруулж батлуулсан зураг төсөл нь стандарт, норм дүрэмд нийцэхгүй, алдаа дутагдал маш их байгаа нь бүтээн байгуулалтын явцад хүндрэл учруулах эрсдэлтэй байгаа тул ажлын зургийг дахин боловсруулж Нийслэлийн Хот байгуулалт судалгааны институт ОНӨААТҮГ, зураг төсөл боловсруулалтанд хяналт тавьж ажилласан Нийслэлийн Хөрөнгө оруулалтын газар, зураг төслийг баталсан Нийслэлийн Хот байгуулалт хөгжлийн газруудад тохижилтын ажлын зургийн иж бүрдлийг нэг бүрчлэн дахин хянах, ажлын тоо хэмжээг зөв гаргах, чанар стандартад нийцсэн бараа материал сонгох талаар онцгой анхаарч ажиллах үүрэг даалгавар өглөө хэмээн Улаанбаатар хотын Захирагчийн ажлын албанаас мэдээллээ. 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment