Эрүүл мэндийн яамнаас өнөөдрийн /2021.04.28/ 11:00 цагийн ээлжит мэдээллээ өглөө.
Сүүлийн 24 цагт 1171 хүнээс халдвар илэрчээ. Эдгээрийн 1092 нь Улаанбаатар хотод, 72 нь орон нутагт, зөөвөрлөгдсөн 6, эмнэлгээс шадтгаалах халдвар 1 бүртгэгджээ.
Ингэснээр улсын хэмжээнд халдвар авсан иргэдийн тоо 33013 боллоо. Үүнээс Улаанбаатар хотын халдвар авсан иргэдийн тоо 29303 болов.
Тэгвэл өнгөрсөн хоногт халдвар авсан нь батлагдаж, хэвтэн эмчлүүлж байсан 490 хүн эдгэрч, эмнэлгээс гарлаа. Улмаар Улсын хэмжээнд 18033 хүн эдгэрээд байна.
Сүүлийн 24 цагийн хугацаанд халдвар авсан есөн хүн нас барж, нийт нас баралт 97 боллоо.
Өнөөдрийн байдлаар 4703 хүн хэвтэн эмчлүүлж байна. Тэдний 103 хүний биеийн байдал маш хүнд байгаа талаар Эрүүл мэндийн яамнаас мэдээллээ.
