Коронавирусийн цар тахлын дэгдэлтээс болж Ерөнхий боловсролын сургуулиуд 2020 оны арваннэгдүгээр сарын 11-нээс хойш цахим болон теле хичээл үзэж байгаа юм.
Цар тахлын нөхцөл байдал багасахгүй байгаа учраас БШУЯ-аас сурагчдын зуны амралтыг наашлуулж, эрт амраахаар болжээ.
Тодруулбал, ЕБС-ийн 1-3 дугаар ангийн сурагчдыг маргааш хичээллээд тавдугаар сарын 10-наас амраахаар болсон бол дунд болон ахлах ангийн сурагчдыг тавдугаар сарын 14-нөөс амраах шийдвэрийг гаргасан байна.
Харин арванхоёрдугаар анги мөн энэ сарын 14-нөөс амарч, элсэлтийн ерөнхий шалтгалтын давтлагад хамрагдах юм.
