Өнгөрсөн сарын 27-ны өдөр ЦЕГ-ын ХМТ-ийн ахмад М.Мөнхшүр Сонгинохайрхан дүүргийн нутаг дэвсгэрт зорчиж явах үедээ үүргээ гүйцэтгэж, гудамж талбайд эргүүлд гарч байсан цагдаагийн алба хаагч руу, намайг танихгүй байна уу хэмээн дарамталж, ёс зүйгүй аашилсан мэдээлэл цацагдсан. Тодруулбал, 2021 оны 04-р сарын 26-нд 11 цаг 40 минутад буюу СХД-ийн нутаг дэвсгэрт 21-р хороолол орчимд цагдаагийн ахмад М.Мөнхшүр ..40 улсын дугаартай автомашинаар хөдөлгөөнд оролцсон аж.
Дээрх мэдээг зарим мэдээллийн сайтуудад нийтлэгдсэн даруйд тэрээр өөрийн цахим хуудсаараа дамжуулан тайлбар бичсэн байдаг. Тэрээр ийм зүйл болоогүй сэтгүүлч нартай муудсан асуудал байгаа. Харин муудсандаа надаас хариу авч байна. Би тэр үед гэртээ байсан. Надад ямар ч ЛАНД маркийн машин байхгүй хэмээн бичсэн билээ. Гэтэл өнөөдөр өглөө “Цагдаагийн алба хаагчдын эхнэрүүд” гэх нэртэй группэд үнэн болохыг баталж загнуулж , дарамтлуулсан алба хаагчийн эхнэр У... гэдэг эмэгтэй пост оруулжээ.
ЦЕГ-ийн ХМТ-ийн Цагдаагийн ахмад М.Мөнхшүрт загнуулж цагдаагийн алба хаагч сахилгын шийтгэл ноогдуулж, цалингийн 20 хувь хасаж шийтгэж байгаад эхнэр нь гомдолтой байгаагаа бичжээ. Мөн худлаа гээд байсан үнэн шүү дээ. Яагаад манай нөхөр зүгээр ажлаа хийснийхээ төлөө арга хэмжээ авахуулж М.Мөнхшүр зүгээр өнгөрч байгаа юм бэ гэжээ. Үүргээ гүйцэтгэж байгаад М.Мөнхшүрт хэл амаар доромжлуулж, дарамтлуулсан цагдаагийн алба хаагч эхнэр гурван хүүхдийн хамтаар амьдардаг. Мөн нөхөр нь ганцаараа ажилладаг учраас цалингийн арга хэмжээ авхуулах нь хүнд тусаж байгаагаа бичсэн байна.
