Энэ сарын 22-ноос орон нутаг руу зорчих хөдөлгөөнийг нээнэ гэдгийг УОК-ын нарийн бичгийн дарга Т.Баярхүү хэллээ.
Мөн тэрбээр "Хот хооронд зорчих хөдөлгөөнийг зохицуулах журам батлагдсан байгаа.
Одоогийн байдлаар иргэд нийслэлээс орон нутаг руу зорчихдоо очих аймгийнхаа онцгой комиссоос зөвшөөрөл авч байна. Харин 22-ноос эхлээд аймгийн онцгой комиссоос зөвшөөрөл авахгүй.
Хот хооронд зорчих иргэдийг вакцины хоёр тунд хамрагдаад 14 хоносон гэсэн баримтыг нь үндэслэн явуулна.
Вакцинд хамрагдаагүй бол PCR шинжилгээ өгсөн байх шаардлагатай. Эцэг эх нь вакцин хийлгэсэн ч хүүхдээ дагуулж явж байгаа бол шинжилгээ өгүүлсэн байна. Гэхдээ 0-3 насны хүүхдээс шинжилгээний хариу шаардахгүй" хэмээв.
