Өнгөрсөн шөнө гэр шатаж, аялагч, тэмээчин Н.Байгальмаа галд өртөн нас барсан харамсалтай хэрэг гарлаа. Тодруулбал,
Харамсалтай нь шөнийн 01:ОО цагийн орчимд гал гарч, тэрээр амиа алджээ. Тэрбээр хоёр охиноо ээжийнхээ гэрт оруулж унтуулаад, өөрөө гэртээ ганцаараа унтаж байсан юм байна. Энэ талаар Онцгой байдлын байгууллагаас “01.18 цагт гэр шатаж байна гэх дуудлага хүлээн авч, тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчид 14 км замыг туулан 01:32 цагт очиход иргэн Б-ийн 5 ханатай гэр шатаж байсныг 5 минут ажиллаж унтраасан. Уг гал түймэрт иргэн Б /33 настай, эмэгтэй/ өртөж нас барсан, цогцсыг тус дүүргийн Цагдаагийн хэлтсийн мөрдөгч, цагдаагийн дэслэгчээр ахлуулсан бүрэлдэхүүнд хүлээлгэн өгсөн” хэмээн мэдээлжээ.
