Ерөнхий сайдын албаа өгснөөс хойш хоёр л удаа хэвлэлд ярилцлага өгсөн УИХ-ын гишүүн Н.Алтанхуяг өнөөдөр мэдэгдэл хийхээр болжээ. Ахлах зөвлөхөөр нь ажиллаж байсан Л.Гансүхэд Дээд шүүхээс 3.6 жилийн хорих ял оноосон. Яг энэ үед мэдэгдэл хийх гэж байгаа нь Н.Алтанхуяг улс төрийн дараагийн нүүдлээ зарлах гэж байна хэмээн ярилцах хүмүүс ч байна. Тэгэхээр Н.Алтанхуягийн ярих нэг гол сэдэв нь ахлах зөвлөх Л.Гансүхийг тойрсон хэрэг байх нь мэдээж. Мөн улс төрд өнөөдөр үүсээд буй нөхцөл байдлын талаар, АН-ын лидерүүдийн үл ойлголцол, мэдээж 2016 оны сонгуулийн талаар байр сууриа илэрхийлэх биз ээ.
Н.Алтанхуяг улс төрийн дараагийн нүүдлээ зарлах уу
2016-04-04 11:12:00
