"Хонь чоно" хоёрын хоршил юуг харуулав

УИХ-ын гишүүн Ц.Нямдорж Х.Баттулга нар гахай, нохойдоо тултал хэрэлдэж, үгэн буугаар байлдаж байсан цаг саяхан. Удаан хугацааны турш таарамж муутай байсан харилцаандаа тэд цэг тавьсан бололтой. Учир нь саяхан хонь чоно мэт байсан Х.Баттулга гишүүн Ц.Нямдорж гишүүний гэрээр зочилсон сурагтай. Төрийн ордонд таардаггүй гишүүд ямар тактик боловсруулан уулзалдсан нь тодорхойгүй байна.  Женко чухам юу сэдчихээд сөрөг намын "өстөн” Ц.Нямдоржтой уулзсан гэдэг нь тун сонирхолтой байна. Сонгууль дөхөж улс төрийн нөхцөл байдал хурцадсан энэ үед сэм сүжрэх болсон нь учир шалтгаантай байж таараа.