БНСУ-д ажиллах хүсэлтэй бүртгүүлсэн иргэдийн Солонгос хэлний түвшин тогтоох шалгалт 5 дахь өдрөө үргэлжилж байна. Шалгалт БНСУ-ын аж үйлдвэрийн хүний нөөцийн хэрэг эрхлэх газраас ирүүлсэн хуваарийн дагуу 2021 оны 9 дүгээр сарын 01-нээс 10 дугаар сарын 19-ны өдөр ХХҮЕГ-ын байранд өдөрт 4 ээлжээр явагдах юм.
Шалгалтын зарыг наймдугаар сарын 23-ны өдөр түгээсэн бөгөөд бүртгүүлсэн иргэдэд 24 цагийн өмнө мессежээр мэдэгдэх арга хэмжээг мөн авч байна. Иймд иргэд цагтаа ирж шалгалтаа өгөхийг дахин сануулж байна.
БНСУ-д хөдөлмөрийн гэрээгээр ажиллах хүсэлтэй бүртгүүлсэн иргэд өөрийн шалгалт өгөх өдөр, цагийг http://solongos.hudu
lmur-halamj.gov.mn болон http://www.monkor.net/ вэб сайтаас харах боломжтой.
Шалгалтад ирэхдээ иргэний үнэмлэх /Гээж үрэгдүүлсэн бол ТҮЦ машинаас лавлагаа авах/, эсвэл гадаад паспорт авч ирэхийг анхаарна уу.
Шалгалтад тэнцсэн иргэдийн нэрийг 2021 оны 11 дүгээр сарын 03-нд зарлана.
