Нийслэлийн Баянгол дүүргийн 22 дугаар хороонд гал гарч байна гэсэн дуудлага өчигдөр /2021.10.13/ өдрийн 15:30 цагт иржээ. Улмаар Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид 4 км замыг туулан 15:37 цагт очиход иргэн Т-гийн 2 өрөө байрны 2х3 метрийн хэмжээтэй өрөөнд эд зүйлс шатаж байсныг 20 минут ажиллаж унтраажээ. Утаажилтын бүсээс 1 том хүн, 8 хүүхдийг аюулгүй газарт гаргасан байна.
