Шилэн дансны хэрэгжилтийг хангахыг албан байгууллагуудаас байнга шаардаж олны танил болсон шилэн Цогоо буюу Б.Цогтгэрэлийн энэ удаагийн гол дайсан Монгол банк боллоо. Учир нь Монгол банкны зүгээс Шилэн дансыг хөтлөхгүй гэдгээ өчигдөр мэдэгдсэн. Тодруулбал, "Монгол банк"-ны Тамгын газрын захиргаа, хүний нөөцийн хэлтсийн дарга П.Эрдэнэтуяа Сангийн яамны Төрийн нарийн бичгийн даргад албан тоот хүргүүлж, Шилэн дансны хуулийг Монгол банк дагаж мөрдөх үндэслэлгүй гэдгээ мэдэгдсэн байна. Тиймээс шудрага иргэн гэдгээрээ олондоо нэрлэгдсэн шилэн Цогоо банкны эсрэг байр сууриа ийнхүү илэрхийлжээ.
Иргэн Б.Цогтгэрэл: Төв банкны тухай хуулийн 3.2-т "Монголбанк нь төрөөс үүсгэн байгуулсан хуулийн этгээд" гэжээ. Мөн Шилэн дансны тухай хуулийн 3.1.1-д "Төрийн болон орон нутгийн өмчит хуулийн этгээд" гэж хамрах хүрээг заажээ.Иймд "Монгол Банк" Шилэн данс хөтлөх үүрэгтэй. Шилэн данс хөтлөхгүй юм бол ерөнхийлөгч Н.Золжаргал огцор. Шилэн дансны тухай хуулийн 9.1, 9.3 -ыг үндэслэн Шүүхэд хандах болно. гэсэн байна.
