“Шивээ-Овоо” ХК-ийн Төлөөлөн удирдах зөвлөл өнөөдөр хуралдаж, 2018-2019 оны өвөлжилтийн бэлтгэл ажлын явц болон ирэх онд тус компанийн хувьцааны арилжааг идэвхжүүлэх төлөвлөгөөг хэлэлцэв.
Өнөөдрийн байдлаар Шивээ-Овоогийн хүрэн нүүрсний уурхайн өвөлжилтийн бэлтгэл ажлын явц 80 гаруй хувьтай байгаа аж. Энэ хүрээнд ирэх арваннэгдүгээр сарын 19-ээс 2019 оны дөрөвдүгээр сарын 1 хүртэлх хугацаанд дулааны цахилгаан станцуудад 1.270 мянган тонн нүүрс нийлүүлэхээр боллоо. Ингэснээр Монгол Улсын төвийн бүсийн эрчим хүчний цахилгаан, дулааны 70 гаруй хувийг үйлдвэрлэдэг “ДЦС IV” ТӨХК болон “ДЦС-3”, “Амгалан дулааны станц”, Дорноговь, Говьсүмбэр, Төв, Сэлэнгэ зэрэг аймгийн цахилгаан, дулааны станцуудад ямар ч сааталгүйгээр нүүрс нийлүүлэх боломжтой болж буйг Төлөөлөн удирдах зөвлөлийн дарга О.Одбаяр онцоллоо.
Үүнээс гадна “Шивээ-Овоо” ХК-ийн 2019 оны бизнес төлөвлөгөөний бэлтгэлийн удирдамж өглөө.
Боловсруулсан С.Хүрэлбаатар
