Говьсүмбэр аймгийн Сүмбэр сумын 1 дүгээр багийн “Бор хонхор” гэдэг газарт Өвс ачиж явсан том оврын ачааны автомашин шатжээ. Тус аймгийн Онцгой байдлын газрын Гал түймэр унтраах, аврах 37 дугаар ангийн алба хаагчид Дорнод аймгийн Халхгол сумаас Дундговь аймгийн чиглэлд зорчиж явсан иргэн Д-ийн эзэмшлийн “Норд бенз” загварын 18 тн өвс ачсан ачааны автомашин шатаж байсныг гурван цаг ажиллаж унтраажээ. Тус гал түймэрт иргэн Д-гийн хоёр гарын шуу хэсэг түлэгджээ. Түүнийг аймгийн нэгдсэн эмнэлэгт хүргэсэн байна.
