Өнөөдөр гадуур шуудай, шүүр барин их хотын цэвэрлэгээнд ханцуй шамлан орсон хүмүүм олон байна.Учир нь Улаанбаатар хотын Ерөнхий менежерээр батлуулсан удирдамж, хуваарийн дагуу нийслэлийн хэмжээнд бүх нийтийн их цэвэрлэгээг ийнхүү хийж байна. Тус цэвэрлэгээнд нийслэлийн Засаг даргын хэрэгжүүлэгч агентлаг, харьяа газрууд, дүүргүүдийн Засаг даргын Тамгын газрын харьяа хэлтэс, хороод, их, дээд сургууль, ерөнхий боловсролын сургууль, аж ахуйн нэгж байгууллага, иргэд хамрагдах юм. Их цэвэрлэгээг нийтийн эзэмшлийн гудамж, зам талбай, гэр болон орон сууцны хороолол, ногоон бүс, Туул, Дунд голын эрэг дагуу хийж байна. Дашрамд дуулгахад өнөөдөр мөн аж ахуйн нэгж байгууллагууд орчныхоо 50 метр газрыг цэвэрлэх учиртай. Хэрвээ та цэвэрлэгээндээ гарч амжаагүй бол нийгмийн үүргээ ухамсарлаж ойр орчмоо цэвэрлээрэй. Цэвэрлэгээнд гарсан хүмүүс гэрэлтүүлгийн шонд наасан зарлалыг арилгаж, чийгтэй болон хуурай цэвэрлэгээг хийж байна.
Иргэд Нийслэл хотоо цэмцийлгэж байна.
2016-04-16 13:29:00
